小弟已经好耐一段时间冇上论坛，一来最近换咗新咯工作环境、一来都冇乜新创作品。直至到咗九月份有份参与今年其中之一咯展览，柔佛麻坡咯旧建筑物系列展览（麻坡贪食街）。由三月份开始动工，用咗三个几月砌好作品，七月终于完成 。参与砌柔佛麻坡旧建筑物已经唔係第一次，而係第三次，每一年大家都有新突破、一年比一年精彩。至于当初点解会有咁咯念头 ，完全係多得两位来自当地咯组群朋友（唔驶介绍，因为佢地都好低调 ），睇得出佢地对自己家乡果份热爱同热诚，好想为家乡出一份绵力去推广当地咯旅游景点、介绍下当地咯风土人情同道道地地咯人情味 。
自从有咗三次咯参与，不经不觉搞到自己都受咗佢地咯影响，係唔係我自己都应该为家乡贡献少少? 小弟出世于霹雳怡保，二十出头就离开家乡到外地生活，一直到依家。以前读书期间都冇好好咁细心留意家乡呢块福地，成日到处荡都唔知为咗滴乜。依家念起先至知道家乡其实可以好好咁被发展，可惜以前政府唔好好发掘、发展同推广，希望现朝政府可以做得到、做得更好 。
今次我拣咗怡保其中一间几有历史同代表性咯旧建筑来作为我咯创作品，希望接落来会有更多组群朋友参与。因为我打算明年来一个霹雳怡保旧建筑物系列展览，好似过往咯三年係柔佛麻坡一样 。
先知声明，我绝对冇打广告之意，因为本人纯粹係觉得它咯出现係霹雳怡保咯一个光荣 ，所以我拣咗佢“何人可凉茶”博物馆作为我今次咯创作品目标。何人可係出现在四十年代末的马来西亚仍处于抗战期间，在一九四一年何继昌先生研制咗一种药茶，能治疗伤风感冒而又适合男女老少饮用的涼茶，就係依家家喻户晓咯“何人可涼外感退熱涼茶”。如果想知道多滴佢咯历史，请自己上网搜索下，资料唔难找到。
我决定要做呢个创作之前，就开始在今年五月份同其中一个组群朋友倾起我咯概念，同佢分享下我想做咯嘢。佢当时听到都好赞成同支持，问佢要点样开始，佢都好乐意分享好多意见同提议。佢係一位好热爱当地同中华文化咯人，更热爱历史性咯事与物。有咗意见同提议，就要去实地影相作为参考之用。因为相扮演住好重要咯角色，透过相我就可以念下要用到乜嘢乐高零件去砌出来。乐高零件有成千上万种，仲係有好多唔同咯颜色，要配起来都几头痛一下 。不过好彩大部分旧建筑物都係白色咯，所以今次我咯作品係以白色为主。
经过四至五个月咯收集资料、配件、订件（因为有滴零件比较难找到兼手上数量唔够）、开始动手、修改、拆晒、再修改，终于在今果月完成啦 ！我承认我唔係一个可以在短时间里好快完成作品咯人，因为平时日子都好少点我咯乐高，我大多数係在拜六、礼拜先至可以用三至五个钟头去砌乐高，所以呢个创作品係需要多少少时间去搞掂。讲真，真係好开心当我可以完成佢（虽然唔係砌出整间铺，而净係前面半载）。我呢间杰作可以讲可以砌咯仔细位都我都砌咗出来，如果冇砌出来咯话一定係我小弟功力未够，哈哈 。
最后，多谢你咯支持同捧场。如果有乜意见，请留言。
请慢慢欣赏我咯创作品（影相功夫未到家、失觉晒），多谢晒！
后会有期，请啊~~~
何人可博物馆
| 
发表于 2018-10-28 17:35:48
收藏
分享
支持
反对
楼主
发表于 2018-10-28 21:23:05
